སྐར་མ་གནམ་རྒྱལ། 天王星
སྤེན་པ། 土星
སྤེན་པ་ནི་རྒྱུ་སྐར་ཆེན་པོ་དགུ་ཡི་ནང་ནས་དངོས་པའི་གྲངས་ཚད་ཕུར་བུ་གོ་ན་ལས་ཆུང་བ་ཡིན་པ་དེ་སའི་གོ་ལའི་ལྡབ་༩༥ཡིན། སྤེན་པའི་གར་ཚད་ཀྱང་ཧ་ཅང་ཆུང་བ་སྟེ་སྤེན་པའི་དངོས་རྫས་ལི་སྨིས་གྲུ་བཞི་མ་༡གི་ལྗིད་ཚད་ཁེ་༠.༦༩མ་གཏོགས་མེད་པ་དེ་ཆུ་ལས་ཀྱང་ཡང་བ་རེད། སྤེན་པའི་རླུང་ཁམས་ཆེན་པོའི་བང་རིམ་ཧ་ཅང་མཐུག་པསང་ཚོས་ཐད་ཀར་དེའི་ཕྱི་ངོས་མཐོང་ཐུབ་ཀྱི་མེད། ཤེས་གསལ་ལ་སྤེན་པར་ཉུང་མཐར་ཡང་འཁོར་སྐར་༥༠ཡོད་པ་རེད།
སྤེན་པའི་གདུབ་ཀོར་ནི་རྟོགས་སྔ་ཤོས་ཀྱི་རྒྱུ་སྐར་གདུབ་ཀོར་རེད་ལ། དུས་རབས་༡༧པར་ཚན་རིག་པས་སྤེན་པའི་གདུབ་ཀོར་ནི་ཆེ་ཆུང་མི་འདྲ་བའི་དངོས་པོ་རྡོག་རྡོག་མང་པོ་ལས་གྲུབ་པ་ར་སྤྲོད་བྱས། དེ་ནས་ལོ་ངོ་༣༠༠ལྷག་གི་རྗེས་སུ། སྤེན་པ་ལ་ཉེ་བར་བཅར་བའི་རྟོག་དཔྱོད་འཕྲུལ་ཆས་ཀྱིས་གང་ཞིག་གདུབ་ཀོར་ཡིན་པ་དང་གང་ཞིག་གདུབ་ཀོར་གྱི་སྲུབས་ཡིན་པ་ཁྱོན་ནས་གསལ་རྟོགས་བྱེད་ཐུབ་མེད།
ཟིན་ཐོ་འམ་དཔྱད་གཞི།
"བར་སྣང་དང་ནམ་ཟླ།" ༼ཀྲུང་གོའི་བྱིས་པའི་ཤེས་བྱ་ཀུན་བཏུས།༽ མི་རིགས་དཔེ་སྐྲུན་ཁང་། ༢༠༠༧
ཉི་མ། · ལྷག་པ། · པ་སངས། · སའི་གོ་ལ། · མིག་དམར། · ཕུར་བུ། · སྤེན་པ། · སྐར་མ་གནམ་རྒྱལ། · སྐར་མ་མཚོ་རྒྱལ།
ཕུར་བུ། 木星
ཕུར་བུའི་དངོས་པོའི་གྲངས་ཚད་ནི་སའི་གོ་ལའི་ལྡབ་༣༠༠ལྷག་ཡོད། ཕུར་བུའི་མཐའ་འཁོར་དུ་གར་ཚད་ཆེ་བའི་རླུང་ཁམས་ཆེན་པོའི་བང་རིམ་ཡོད་པ་དང་། དེའི་ཐོག་གི་དམར་ཐིག་ཆེན་པོ་དེ་ནི་ཕུར་བུའི་རླུང་ཁམས་ཆེན་པོའི་ནང་གི་ཆུ་འཁོར་རྣམ་པའི་རླུང་འཚུབ་ལྟེ་གནས་ཤིག་ཡིན་པ་དེ་མ་མཐར་ལོ་ངོ་༤༠༠ལྷག་ལ་གནས་བསྡད་པ་རེད་ལ། ཆེ་ཆུང་དང་ཁ་མདོག་ལ་རྒྱུན་ཆད་མེད་པར་འགྱུར་ལྡོག་འབྱུང་གི་ཡོད། ཕུར་བུའི་འཁོར་སྐར་དང་པོའི་ཐོག་ཏུ་མེ་རི་འཕྱུར་གྱི་ཡོད་པ་དང་། ད་རུང་མེ་རི་གསོན་པོའི་རྗེས་ཤུལ་ཡང་ཡོད་པ་རེད། ༡༩༧༩ལོར། ཕུར་བུའི་མཐའ་འཁོར་ན་ཕུརབུའི་གདུབ་གོར་སྲབ་མོ་ཞིག་ཡོད་པའང་རྟོགས་ཡོད།
ཕུར་བུའི་འཁོར་སྐར།
ཕུར་བུའི་འཁོར་སྐར་ཆེ་ཤོས་བཞི་ནི་༡༦༡༠ལོར་རྟོགས་པ་རེད། ཕུར་བུའི་འཁོར་སྐར་གསུམ་པ་ནི་ཉི་མའི་ཁྱིམ་རྒྱུད་ཀྱི་རྟོགས་ཟིན་པའི་འཁོར་སྐར་༡༥༠ལྷག་གི་ནང་ནས་ཆེས་ཆེ་བ་དེ་ཡིན་པ་དང་ཐ་ན་ལྷག་པ་དང་གཤིན་རྒྱལ་སྐར་མ་ལས་ཀྱང་ཆེ་བ་རེད།
ཟིན་ཐོ་འམ་དཔྱད་གཞི།
"བར་སྣང་དང་ནམ་ཟླ།" ༼ཀྲུང་གོའི་བྱིས་པའི་ཤེས་བྱ་ཀུན་བཏུས།༽ མི་རིགས་དཔེ་སྐྲུན་ཁང་། ༢༠༠༧
ཉི་མ། · ལྷག་པ། · པ་སངས། · སའི་གོ་ལ། · མིག་དམར། · ཕུར་བུ། · སྤེན་པ། · སྐར་མ་གནམ་རྒྱལ། · སྐར་མ་མཚོ་རྒྱལ།
མིག་དམར། 火星
སའི་གོ་ལ། 地球
པ་སངས། 金星
ལྷག་པ། 水星
ཉི་མ། 太阳
ཉི་མའི་ཁྱིམ་རྒྱུད་ཀྱི་ལྟེ་གནས་གོ་ལ་ནི་ཉི་མ་ཡིན། དེ་ནི་ཚ་བ་ཆེ་བའི་རླུང་གཟུཊ་གོ་ལ་ཞིག་ཡིན་པ་དང་། ཚངས་ཐིག་ལ་ཕལ་ཆེར་སྟོང་ སྨིས་ཁྲི་༡༣༩.༢ ཡོད་པ་དང་། དངོས་པོའི་གྲངས་ཚད་ཕལ་ཆེར་ཏུན་དུང་ཕྱུར་དུང་ཕྱུར་༢༠༠༠ཡོད་པ་དེས་ཉི་མའི་ཁྱིམ་རྒྱུད་ཀྱི་སྐར་མའི་གོ་ལའི་སྤྱིའི་དངོས་པོའི་ལྗིད་ཚད་ ཀྱི་༩༩% ཟིན། ཉི་མ་ནི་ང་ཚོ་དང་ཆེས་ཉེ་བའི་བརྟན་སྐར་ཡིན་པས་ན། ཉི་འོད་སའི་གོ་ལའི་ཐོག་ཏུ་སླེབས་པར་ཕལ་ཆེར་དུས་ཚོད་སྐར་ཆ་༥༠༠ མ་གཏོགས་ མི་དགོས།
ཉི་མ་འགྲུབ་བྱེད་དངོས་རྫས།
ཉི་མའི་དངོས་པོའི་གྲངས་ཚད་༧༡% ནི་ཆིང་ཡིན་པ་དང་༢༧% ནི་ཧེལ་ཡིན། དབྱང་ཐཱན་ཏན་གསུམ་གྱི་གཞི་རྒྱུ་ནསྡོམས་ན་༡% ལྷག་ཙམ་མ་ གཏོགས་ཟིན་མེད་པ་དང་གཞི་རྒྱུ་རིགས་གཞན་དག་བཅུ་ཕྲག་ཁ་ཤས་ཀྱིས་ཟིན་པའི་དངོས་པོའི་གྲངས་ཚད་ནི་༡% ལའང་ཟིན་གྱི་མེད།
ཟིན་ཐོ་འམ་དཔྱད་གཞི།
"བར་སྣང་དང་ནམ་ཟླ།" ༼ཀྲུང་གོའི་བྱིས་པའི་ཤེས་བྱ་ཀུན་བཏུས།༽ མི་རིགས་དཔེ་སྐྲུན་ཁང་། ༢༠༠༧
ཉི་མ། · ལྷག་པ། · པ་སངས། · སའི་གོ་ལ། · མིག་དམར། · ཕུར་བུ། · སྤེན་པ། · སྐར་མ་གནམ་རྒྱལ། · སྐར་མ་མཚོ་རྒྱལ།
ཉི་མའི་ཁྱིམ་རྒྱུད། 太阳系
འཇིག་རྟེན་བར་སྣང་ཁམས་སུ་ཡོད་པའི་ཉི་མ་དང་ཉི་མས་འཐེན་ཤུགས་ཁོངས་ཀྱི་སྐར་མའི་གོ་ལའི་ཚོགས་ལ་གནམ་དཔྱད་རིག་པ་བས་ཉི་མའི་ཁྱིམ་རྒྱུད་ཟེར། ཉི་མ་ཕུད། ཉི་མའི་ཁྱིམ་རྒྱུད་ཀྱི་ཁོངས་གཏོགས་སྐར་མ་གཙོ་བོ་ནི་རྒྱུ་སྐར་ཆེན་པོ་དགུ་ཡོད་པ་སྟེ། ལྷག་པ་དང་པ་སངས། སའི་གོ་ལ། མིག་དམར། ཕུར་བུ། སྤེན་པ། སྐར་མ་གནམ་རྒྱལ། སྐར་མ་མཚོ་རྒྱལ། གཤིན་རྒྱལ་སྐར་མ་བཅས་སོ།། དེ་མིན་ད་དུང་རྒྱུ་སྐར་དམའ་མོ་དང་རྒྱུ་སྐར་ཆུང་བ། རྒྱུ་སྐར་དང་མཉམ་དུ་ཉི་མར་སྐོར་བ་རྒྱག་པའི་འཁོར་སྐར་དང་། སྐར་མ་དུ་བ་མཇུག་རིང་། སྐར་མདའི་ཕུང་པོ། སྐར་མའི་དབར་གྱི་དངོས་གཟུགས་བཅས་མང་པོ་ཡོད་པ་རེད། སྐར་མའི་གོ་ལ་སྣ་ཚོགས་ཀྱིས་ཉི་མར་སྐོར་བ་བརྒྱབ་ནས་འཁོར་སྐྱོད་བྱེད་སའི་འཁོར་ལམ་ཚང་མ་ནི་འཇོང་དབྱིབས་ཡིན། འཇོང་དབྱིབས་ལ་མདོ་གནས་གཉིས་ཡོད་དེ། ཉི་མ་དེའི་ནང་གི་མདོ་གནས་སྟེང་གི་གཅིག་ཡིན།
རྒྱུ་སྐར་ཆུང་བའི་རྒྱུད།
སའི་གོ་ལ་ནས་ཉི་མའི་བར་གྱི་ཆ་སྙོམས་བར་ཐག་དེར་གནམ་དཔྱད་རྩིས་གཞི་༡ཟེར། མིག་དམར་དང་ཕུར་བུ་གཉིས་སོ་སོ་བཞིན་ཉི་མ་ལས་བར་ཐག་གནམ་དཔྱད་རྩིས་གཞི་༡.༥༢དང་༥.༢༠ཡིན། རྒྱུ་སྐར་ཆུང་བའི་རྒྱུད་ནི་མིག་དམར་དང་ཕུར་བུའི་བར་དུ་ཡོད། ༩༧%ཡི་རྒྱུ་སྐར་ཆུང་བ་ཚང་མ་ཉི་མ་ལས་བར་ཐག་གནམ་དཔྱད་རྩིས་གཞི་༢.༠༦_༣.༦༥ཡི་ཁོངས་སུ་འདུས་ཡོད། འདི་ན་ཕལ་ཆེར་རྒྱུ་སྐར་ཆུང་བ་ཁྲི༥༠ཡོད་ཚོད་རེད།
ཟིན་ཐོ་འམ་དཔྱད་གཞི།
"བར་སྣང་དང་ནམ་ཟླ།" ༼ཀྲུང་གོའི་བྱིས་པའི་ཤེས་བྱ་ཀུན་བཏུས།༽ མི་རིགས་དཔེ་སྐྲུན་ཁང་། ༢༠༠༧
ཉི་མ། · ལྷག་པ། · པ་སངས། · སའི་གོ་ལ། · མིག་དམར། · ཕུར་བུ། · སྤེན་པ། · སྐར་མ་གནམ་རྒྱལ། · སྐར་མ་མཚོ་རྒྱལ།